Ragg de so

                                                            Raffaello - Dama con liocorno

RAGG DE SO

 

di Speri della Chiesa Jemoli

 

 

Quasi semper l’incontri, alla matinna,

propri lì sul canton de la contrada

tra San Cels e la Via Disciplinna,

e ghe doo tutt i dì ona sbarloeuggiada…

 

Mi soo nò se la sia ona sartinna

o ona tosa de quij che va in giornada;

soo domà che la par ‘na madonninna,

che l’è bionda, l’è bella, e l’è ben fada…

 

Cont quest, però, vuj minga che, per cas,

m’abbiev de cred di volt innamoraa

per el fatt che v’hoo ditt che la me pias…

 

Signor!...incoeu la vitta l’è inscì trista

per on pòver baltramm d’on impiegaa,

che l’è già assee se ‘l po' lustrass la vista!

 

1889