Il discorso del Re

Discùrs dul Re Busìn par ul carnavàl 2023

 

Donn e tusàn, óman e fiö, gént da Varées,

di tücc i Castelànz, dul céntro e di paés:

Busìtt, mi va salüdi! L'è mia 'na busìa:

ma piàas pròpi da vèss in vòstra cumpagnìa

e fà 'n pù da baldòria cun tücc i 'mè busìtt,

sia giùin e sia vécc, sia grand che piscinìtt.

 

Finìi du la pandemìa 'sto gran turmént,

sémm finìi in 'na vàca da guèra, sachfurmént!

Ma incöö ancabèn in regìm da cunumìa

tütt i paür, tütt i arlìi gh'hèmm da trà vìa.

Ancabén ghe sìa ul busìlis d'ra energìa

pódum anmò divertìss in bóna armunìa.

 

Ul vòst Re Busìn 'l s'è truàa in dificultàa,

par i discüssiùn, ul malumùur süscitàa,

parchè l'è mia cumè 'na volta 'l carnavàal

e tütt i ròbb hinn stài ridótt a l'esenziàal;

bürucrazìa, sicürézza gh'hann un cóst:

i disgràzi hinn sémpar lì, prunt 'mè i tàul di òst!

 

L'ann passàa hinn stài cumpletàa di bèi laurà:

ul palaghiaccio, ul Bernascùn desquatàa.

Mundiài da canutàgg, ul dì dul Presidént,

hann dài lüstar al nòstar paés certamént.

Ma gh'hinn tànti àltar laurà, in gìir, a vèss sincér

e sa spécia da vidén sarà sü i cantiér.

 

Cambiamént da prugètt, tànta bürucrazìa

cumpeténz rimbalzàa, danée ca rìvan mìa.

Per vidé la caserma finìda, Diu vuréss,

che 'l Re Busìn 'l póda vèss anmò quéll da adèss!

Cerchée da fà 'n quaicòss, par piasée, vöri mìa

da vèss regurdàa 'n dì par quésta prufezìa!

 

L'è impurtant ca 'l 'sa tìra drizz e pésg che in prèssa,

parché di àltar ròbb da fà ghe n'è 'na rèssa!

Punt di staziùn, larg Flaiano, che cunfüsiùn!

Ul tràfich in Varées l'è sémpar 'n'ussessiùn.

La funiculàar, saràda sü da cinq ann

(patrimòni da l'UNESCO...): gnànca parlànn!

 

Sa pó mia dagh tütt i tòrt a chissessìa

se da nünch, chichinscì, gh'è 'n quaicòss che 'l và mìa.

Ann fa sa decantàva la nòstra cità

par cumè 'l sa pó vìiv e la sua qualità;

l'àltr'ann Varés l'è nàja püssée indrée,

in classifica, a dispètt di sò belée.

 

L'è véra che a Varés gh'hinn laurà e bundànza

g'ha naréss bè 'nca quésta! ròba da sustànza!

L'è pròpi véra: hinn mia tüsscòss i danée

quand àltar qualità dul vìiv hinn mia bun assée...

giuntàgh in sicürézza, ambiént e cultüra,

par la nòstra cità, l'è mia 'n gran vant, sücüra!

 

Dul Bobo Maroni sentirémm la mancànza:

omm istrüìi, irònich, a la man, da impurtànza.

Ma da gént d'ingégn e da bóna voluntà

ghe n'è sémpar, tra nost busìtt, 'na gran quantità.

Gent d'ra pulitiga: 'na volta fài i prumèss,

fö la pàja: di robb fài fée vidé 'l süccèss!

 

Pócch dì dòpu Natàal, un pù da nascundùn,

in Varés sun 'nài a vidé l'inlüminaziùn.

Bèla e mudèrna in di stràa dul céntro cità,

ma quéla di giardìtt m'ha lassàa stracüntàa...

Ul primm pensée a vidéla l'è stai trequàal:

và!, mò la festa da san Vitùr l'è a Natàal...

 

Chichinscì a vuré 'nà inànz, finissarìa pü

però sun già stai lungh, l'è méi taiàla sü

Mò finìssi, va lassi in bóna cumpagnìa

di vòst da cà, di amìis, e par finìi in legrìa

mi va 'l racumàndi: bevì 'n bicér da vin

a la salüüt vòstra e dul vòstar…

                                               Re Busin!

 

 

 

Discorso del Re Bosino per il carnevale 2023

 

Donne, ragazze, uomini, ragazzi, varesini,

di tutte le Castellanze, del centro e dei paesi:

Bosini, io vi saluto! non è una bugia:

mi piace davvero essere in vostra compagnia

e fare un po' di baldoria con tutti i miei bosini

sia giovani che vecchi, sia grandi che piccini.

 

Finita della pandemia questo gran tormento,

siamo finiti in una brutta guerra, accidenti!

Ma oggi sebbene in regime di economia

tutte le paure, tutte le ubbìe dobbiamo gettare via.

Sebbene ci sia il problema dell'energia

possiamo ancora divertirci in buona armonia.

 

Il vostro Re Bosino s'è trovato in difficoltà,

per le discussioni, il malumore suscitato

perché non è come una volta il Carnevale

e tutto è stato ridotto all'essenziale;

burocrazìa e sicurezza hanno un costo:

le disgràzie son sempre lì, pronte come le tavole degli osti!

 

L'anno scorso sono stati completati bei lavori:

il palaghiaccio, il Bernascone (campanile) liberato dai ponteggi.

Mondiali di canotaggio, il giorno del Presidente (della Repubblica),

hanno dato lustro al nostro paese, certamente.

Ma ci sono tanti altri lavori in giro ad essere sincero

e ci si aspetta di vederne chiudere i cantieri.

 

Cambi di progetto, tanta burocrazia,

competenze rimpallate, soldi che non arrivano.

Per vedere la Caserma finita, Dio volesse,

che il Re bosino possa essere ancora quello di adesso!

Cercate di fare qualcosa, per piacere, non vorrei

di essere ricordato un giorno per questa profezia!

 

E' importante che si tiri dritto e in fretta,

perché di altre cose ce n'è una quantità!

Ponte delle stazioni, largo Flaiano, che confusione!

Il traffico a Varese è sempre un'ossessione!

La funicolare, chiusa da cinque anni

(patrimonio dell'UNESCO): neanche a parlarne!

 

Non si può dar torto a chicchessia

se da noi, qui, c'è qualcosa che non va.

Anni fa si decantava la nostra città

per come ci si può vivere e la sua qualità;

l'altr'anno Varese è scesa più in basso

in classifica, a dispetto delle sue bellezze.

 

E' vero che a Varese ci sono lavoro e ricchezza:

ci mancherebbe anche questo! roba di sostanza!

E' proprio vero: non sono tutto i soldi

quando altre qualità del vivere non sono buone abbastanza...

rimetterci in sicurezza, ambiente e cultura,

per la nostra città, non è un gran vanto, sicuramente!

 

Di Bobo Maroni sentiremo la mancanza:

uomo istruito, ironico, alla mano, importante.

Ma di persone d'ingegno e di buona volontà

ce n'è sempre, tra i nostri bosini, una gran quantità.

Uomini della Politica: una volta fatte le promesse,

fuori la paglia, di cose fatte fateci vedere il successo!

 

Pochi giorni dopo Natale, un po' di nascosto,

in Varese sono andato a vedere l'illuminazione.

Bella e moderna nelle strade del centro città,

ma quella dei giardini m'ha lasciato attonito...

Il primo pensiero a vederla è stato tal quale:

va'!, adesso la festa di san Vittore è a Natale...

 

Qui a voler andare avanti, non finirei più

però son già andato per le lunghe, meglio tagliare.

Ora smetto, vi lascio in compagnia

dei vostri familiari, amici e per finir in allegria

io vi raccomando: bevete un bicchiere di vino

alla salute vostra e del vostro... Re Bosino!