Il discorso del Re

 

Discùrs dul Re Busìn par ul carnavàl 2024

 

Donn e tusàn, óman e fiö, gént da Varées,

di tücc i Castelànz, dul céntro e di paés:

Busìtt, mi va salüdi! L’è mia ‘na busìa

sa dìsi ca ma pias truvass in cumpagnìa,

anmò sto sàbat grass, cun tücc i varesìtt,

sia giùin e sia vécc, sia grand che piscinìtt.

 

Sa sèmm chi a fà baldòria; gh’è mia da pentìss.

Par un quài dì, ogni tant, l’è bóna divertìss:

ul carnavàl al ven dumà ‘na volta a l’ann,

un bóff, pö sa pàssa a burlà dent in di grann.

Parchè da quèi ghe n’è sèmpar in gran bundànza

e gh’hemm un ann intrégh par fà la peniténza!

 

Però vöj mia tiràla lunga e perd ul temp,

cumìnci sübit, dùnca, dal primm di argumént:

pàrli di böcc in tèra... in giir ga n’è ‘n vagùn,

pìcul e grand, prufund, da tütt i dimensiùn.

A ‘nà ‘n gìir a pé o in bìci ga vör paziénza.

Gh’hinn ànca di tumbìn sfundàa: l’è ‘n’indecénza!

 

Un vécc pruèrbi ‘l dis, par mia ris’cià di guài:

‘na pèzza malmetüa l’è méi che ‘n böcc ben fài,

inscì però gh’hinn stràa vestìi ‘mè l’Arlechìn,

o ‘mè i vacc négar pezzàa dul cantùn Tisìn.

Fìna in la "Tré vall" i stràa évan tütt cunsciàa:

‘na figüra mia tropp bèla par la cità!

 

E al nòst càar Sìndich un cunsìli vöri dà:

quand sa sàra sü i böcc e sa cudrùna i stràa

gh’è mia da pèrd tròpp tèmp, ma sübit fà in manéra

da fà ‘ndà ‘l tràfich cunt i sò bèi ségn par tèra.

Sénza zebre e mezzarìi sa fà cunfusiùn

cunt i màchin ca s’incùntran e cu’i pedùn.

 

L’è da quand sun Re ca sa parla du la casèrma,

du la fin di laurà mi spéri la cunférma.

L’è ‘n gran spàzzi a la cultüra dedicàa,

inscì l’è almén la pruméssa par la cità.

Ma quèll ca cünta hinn mia i méter quadràa

quantu quèll che gh’è déntar e la sò qualità.

 

Bögn bé che i cantiér podan vess saràa sü ‘n prèssa,

l’è la mè speranza e dul Sindich la prumèssa.

Dul Largo Flaian l’è ‘péna finì ‘l laurà

che par un para d’ann l’ha fai tant tribülà.

Sperémm che cu’l tràfich sa tìra sü ‘n pù ‘l fiàa

e pa’i àltar mestée sa póda dass da fà.

 

Cari Busìtt: ga vör paziénza, e educaziùn!

Gh’è ‘na ròba ca l’ha ma fài vegnì ‘l magùn:

par fà ‘n dispètt, tacàa a la Madunìna in Pràa,

la cüna e ‘l Bambìn dul presépi hann fin rubàa:

‘un zifulòtt da ménta la pruvucaziùn

e un tòrt insübìi da ra nòstra tradiziùn?

 

Però, a la fìn, Bambin e cüna hinn stai truvàa:

mia trà vìa, ma sóta ‘n ulìiv, quell tacàa

a ‘n’àltra gésa a la Madona dedicàva,

quéla di puarìtt; che a san Fermu l’è situàva.

Che ‘l sìa stai pròpi ‘l Bambin a vuré cercà

un sìit püssée cunfùrma a la sò puertàa?

 

L’Omm al nass lìbar, ma l’è in cadénn induasessìa;

‘mè ‘l diséva un pensadùur da filusufìa.

(n.d.a.: Jean Jacques Rousseau)

Un quaivün da incadenà ‘l Fiö l’ha vüü l’idéa,

in manéra che nissün pudéss purtàl vìa:

Diu vuréss mia che ‘l Bambin ‘l végna mettüü

in cadénn, fìna in la cüna, ‘péna nassüü!

 

In dul dì d’incöö dul duman gh’è mia certézza!

sa po mia però fà sénza d’ra sicürézza

in dul céntru d’ra cità, suratütt la sìra,

quand in gìir gh’è mia nissün, aspàrt... ‘n quài ligéra.

L’è capitàa an’mì, da passà a mia tàrda ura

in piàzza dul Garibaldìn e végh paüra!

 

Par mia parlà da quéll ca sa tröva par tèra

in di stràà e in di piàzz: da nòtt l’è ‘na rüéra.

Ma a part du la gént la catìva educaziùn,

gh’è ànca un quài prublema da manütenziùn,

dìsi, par esémpi, di marciapè di stràa:

‘na fréga da cestìn e tumbìn mai svuià.

 

Sa di lüüs da Natàal nissün l’ha vüü da dì

L’è ‘n ségn che quèi da quest’ann hinn stai preferìi.

Ul spetàcul l’éva stai grandiùus l’ann passàa,

ma forzi par Natàl l’éva mia tròpp detàa.

Ul bel giügh da diségn e culùur piciuràa

la belézza del Palàzz l’ha fai risaltà.

 

Sügüra di giardìtt l’ha mia pensàa al decòr

chi l’ha piazzàa i cartèi ‘mè ‘na càcia al tesòr

par fà finì quèi poarcrìst ca la ga scàpa

in d’un cèss cun la pòrta, da ‘n bel tòcch, saràda:

parchè anca i gent da Varés gh’hann i sò sögn,

ma, dabùn, ‘na quài vòlta gh’hann i sò bisögn!

 

La finìssi chì, andé innànz a fà baldòria,

e par ‘na quài ura lassée fö d’ra memòria

i rogn e ‘l malandà ca gh’è in stò mund risïàtt,

indùa roban, màzzan, dann tànti fö da matt!

Indùa fìna par i robb bèi gh’è mia rispètt:

par la natüra, par i donn e i tusanétt!

 

Busìtt, mi va salüdi! tùrni a ‘nà luntàn,

ma prima da lassàv va stréngi a tücc la man.

E tegnìi a mént: stassìra, ‘n bun bicér da vin

a la salüüt vòstra e dul vòstar… Re Busìn!

 

 

 

Discorso del Re Bosino per il Carnevale 2024

 

Donne, ragazze, uomini e ragazzi, gente di Varese,

di tutte le Castellanze, del centro e dei paesi:

Bosini, io vi saluto! Non è una bugia

se dico che mi piace essere in vostra compagnia,

ancora questo sabato grasso, con tutti i varesini,

sia giovani che vecchi, sia grandi che piccini.

 

Siamo qui a far baldoria; non c’è da pentirsi.

Per qualche giorno, ogni tanto, è cosa buona divertirsi:

il carnevale arriva solo una volta l’anno,

un soffio, poi si torna a finire nei fastidi.

Perché di quelli ce n’è sempre in abbondanza

e abbiamo un anno intero per far penitenza!

 

Però non voglio tirarla per le lunghe e perder tempo,

comincio subito, perciò, dal primo degli argomenti:

parlo dei buchi in terra... in giro ce n’è una quantità,

piccoli e grandi, profondi, di tutte le dimensioni.

Andando in giro a piedi o in bici ci vuol pazienza.

Ci sono anche tombini sfondati: è un’indecenza!

 

Un vecchio proverbio dice, per non rischiare di aver guai:

una pezza malmessa è meglio che un buco ben fatto,

così però ci son strade vestite come Arlecchino,

o come le vacche nere pezzate del Canton Ticino.

Persino nella Tre valli le strade erano tutte malmesse:

una figura non troppo bella per la città!

 

E al nostro caro Sindaco voglio dare un consiglio:

quando si chiudono le buche e si asfalta la strada

non c’è da perder tempo, ma fare subito in modo

di regolare il traffico con adatte indicazioni per terra.

Senza zebre e mezzarie si fa confusione

con le macchine che si incontrano e coi pedoni.

 

Da quando sono Re si parla della caserma,

spero nella conferma della conclusione dei lavori.

È un grande spazio dedicato alla cultura,

così almeno si promette alla città.

Ma quello che conta non sono i metri quadri

quanto quello che vi è contenuto e la sua qualità.

 

Bisogna bene che i cantieri si possano chiudere in fretta,

è la mia speranza e del Sindaco la promessa.

Del Largo Flaiano è appena finito il lavoro

che per un paio d’anni ha fatto tanto tribulare.

Speriamo che col traffico si possa tirare un po’ il fiato

e per gli altri lavori ci si possa dar da fare.

 

Cari Bosini: ci vuole pazienza ed educazione

C’è una cosa che mi ha fatto venire il magone:

per far dispetto, di fronte alla Madonnina in Prato,

perfino la culla e il Bambino del Presepio hanno rubato:

la provocazione di uno stupidotto

e un torto fatto alla nostra tradizione?

 

Però, infine, Bambino e culla sono stati trovati:

non gettati via, ma sotto un ulivo, quello adiacente

ad un’altra chiesa dedicata alla Madonna,

quella dei poveri che a san Fermo è situata.

Che sia stato proprio il Bambino a voler cercare

un posto più conforme alla sua povertà?

 

L’uomo nasce libero e ovunque è in catene

come diceva un pensatore di filosofia.

(n.d.a.: Jean Jacques Rousseau)

Qualcuno ha avuto l’idea di incatenare il Bambino,

in modo che nessuno potesse portarlo via:

Non voglia Dio che il Bambino venga messo

in catene, già nella culla, appena nato!

 

Al giorno d’oggi del doman non v’è certezza!

non si può fare a meno però della sicurezza

in centro città, soprattutto alla sera,

quando non c’è in giro nessuno, a parte ... qualche vagabondo.

È capitato anche a me, passando ad ora non tarda

per la piazza del Garibaldino e aver paura!

 

Per non parlare di quello che s’incontra per terra

nelle strade e nelle piazze: di notte è un immondezzaio.

Ma a parte la mala educazione delle persone,

c’è anche qualche problema di manutenzione,

parlo, ad esempio, dei marciapiedi delle strade:

una quantità di cestini e tombini da vuotare.

 

Se di luci di Natale nessuno ha avuto da dire

è un segno che quelle di quest’anno sono state preferite.

Lo spettacolo era grandioso l’anno scorso,

ma forse per Natale non era molto adatto.

La proiezione del bel gioco di disegni e colori

ha fatto risaltare la bellezza del Palazzo.

 

Certamente non ha pensato al decoro dei giardini

chi ha piazzato i cartelli come una caccia al tesoro

per far finire qualche poveraccio con un bisogno fisiologico

in un bagno con la porta serrata da un bel pezzo:

perché anche i varesini hanno i loro sogni,

ma, davvero, qualche volta hanno i loro bisogni!

 

Finisco qui, andate avanti a far baldoria,

e per qualche ora lasciate lontani dai pensieri

le rogne e il malandare che c’è in questo modo rissoso,

dove si ruba, si ammazza, tanti dan fuori di matto!

Dove persino per le cose belle non c’è rispetto:

per la natura, per le donne e le giovinette!

 

Bosini, io vi saluto! me ne ritorno lontano,

ma prima di lasciarvi stringo a tutti la mano.

E mi raccomando: stasera, un buon bicchier di vino

alla salute vostra e del vostro... Re Bosino!