Par ul dutùr Monti

 

 PAR UL DUTÙR MONTI

 

Incöö ‘l dutùr Monti ‘l cumpìss nuant’ànn:

‘L vintisètt da genàar l’è ‘l sò compleànn!

’N traguàrd bèn meritàa par un ómm da pàas

preparàa, ümil, da bun séns, mia par càas!

 

Ul sò bagàli l’è pién da ròbb preziùus;

‘l sò entüsiàsmu sèmpar s’cétt e cuntagiùus

l’ha tirà in mézz di giùin par laurà

parchè ciapassan la sò ereditàa.

 

In “Camera di Commercio”, davéra,

tanti ann, pròpi ‘na bèla cariéra;

l’Uratòri da San Vitùr in dul cöör

e la “Robur et Fides” cun ‘l baticöör!

 

Di “Monelli della Motta” ‘l nümar vün,

ai sò “delfini” ‘l gh’ha insegnàa l’atenziùn

par lùur, quìj ca fann fadìga a tirà là

sénza salüüt, laùur e nànca la cà.

 

Quand l’hann fai sìndich, dumà par trédas dì,

l’è nai da i ültim e dai vegìtt, sì, lì;

con la sò féed spòtiga l’è stai ’n mùdell,

par la sò comünitàa tant ‘mè ’n fradèll.

 

‘L cugnòss ‘l dialètt da Varées: l’è ’n busìn!

I sò amìs, incöö, vöran stagh visìn

par fagh i augüri in sta ricurénza

e digh dabùn la sò ricunuscénza.

 In Salone Estense, in occasione dei 90 anni del dottor Angelo Monti, la poetessa bosina Lidia Munaretti ha letto una poesia in dialetto appositamente scritta par ul dutùr Monti! Eccola qui sopra.